Grant Hanfodion Ysgol / Grant Gwisg

Gellir defnyddio Grant Hanfodion Ysgol i helpu i dalu tuag at gost:

• gwisg ysgol gan gynnwys cotiau ac esgidiau
• cit chwaraeon ysgol gan gynnwys esgidiau
• offer ysgol e.e. bagiau ysgol a deunydd ysgrifennu
• chwaraeon y tu allan i'r ysgol
• gwisgoedd ar gyfer gweithgareddau ehangach e.e. sgowtiaid, geidiaid a chadetiaid
• offer ar gyfer gweithgareddau i gefnogi’r cwricwlwm, e.e. dylunio a thechnoleg
• offer ar gyfer teithiau y tu allan i oriau ysgol, gan gynnwys dysgu yn yr awyr agored
• Duke of Edinburgh
• cyfrifiaduron, gliniaduron a thabledi

Grant Cymhwysedd ar gyfer Hanfodion Ysgol

Bydd y Grant Hanfodion Ysgol i myfyrwyr Blynyddoedd 7, 8, 9, 10 ac 11 ar gael gan Gyngor Bwrdeistref Sirol Conwy ar gyfer rhieni / gwarcheidwaid sy’n cael unrhyw beth o’r rhestr isod neu'r rhai sy'n cael eu hystyried yn y categori Dim Hawl i Arian Cyhoeddus:

• Cymhorthdal Incwm*
• Lwfans Ceisio Gwaith Cysylltiedig ag Incwm*
• Lwfans Cymorth Cyflogaeth Cysylltiedig ag Incwm*
• Credyd Treth Plant, ar yr amod nad ydych yn gymwys i gael Credyd Treth Gwaith ac nad yw incwm blynyddol eich aelwyd, yn unol ag asesiad Cyllid a Thollau, yn fwy nag £16,190.
• Credyd Treth Gwaith parhaus – y taliad y gall rhywun ei gael am bedair wythnos arall ar ôl iddynt beidio â bod yn gymwys i gael Credyd Treth Gwaith
• Elfen Warantedig Credyd Pensiwn y Wladwriaeth
• Credyd Cynhwysol â chyfyngiad enillion net o £7,400

*Mae myfyrwyr sy’n cael Cymhorthdal Incwm, Lwfans Ceisio Gwaith yn Seiliedig ar Incwm, Lwfans Cyflogaeth a Chymorth yn Gysylltiedig ag Incwm neu Gredyd Cynhwysol yn eu rhinwedd eu hunain hefyd yn gymwys.

Os ydych wedi cael Grant Hanfodion Ysgol yn y gorffennol ar gyfer eich plentyn / plant (ac os ydynt yn cael Prydau Ysgol Am Ddim ar hyn o bryd), nid oes gofyn i chi gwblhau ffurflen gais bob blwyddyn, oni bai bod eich amgylchiadau yn newid.

Gwneud cais

Am fwy o wybodaeth ac i wneud cais am y Grant Hanfodion Ysgol, cwblhewch y ffurflen gais ar-lein drwy Sir Conwy:

• www.conwy.gov.uk